الرئيسيةالتسجيلدخول

شاطر | 
 

  أنا خايف يا بابا !!!!!!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dr_AhmedIsmail
 
 
avatar

ذكر الدلو
عدد المساهمات : 3
تاريخ الميلاد : 18/02/1998
تاريخ التسجيل : 19/03/2013
العمر : 19

مُساهمةموضوع: أنا خايف يا بابا !!!!!!!!!!   الأحد 31 مارس 2013, 11:18 am

بسم الله الرحمن الرحيم
السلام عليكم ورحمة الله وبركاته




كنت في مشوار بخلّص شوية ورق ..
وفي طريق العودة..
افتكرت إني عايز اشتري شوية حاجات..
روحت على مكتبة اسلامية عارفها ..
وللاسف ؛ المكتبة دي موجودة على بعد أمتار معدودة من مجمع الكليات
(تربية - أداب - تجارة) !!
دخلت وقعدت مع الاخ شوية ،
وكان موجود في المكتبة رجل بيصلح لهم حاجات في المكتبة ..
وكان معاه ابنه بيساعده ..
الراجل ده ومع هيئته ولبسه المتواضع كان باين الاحترام والوقار ..
المهم..وأنا قاعد مع صاحبي ؛ لفت انتباهي الطفل الصغير ابن الراجل ده !
شكله مش زي كل العيال ؛ من المفترض انه يكون زي غيره من ابناء الجيل بتاعه موجود قدام سبيس تون او بيلعب على الكومبيوتر او قاعد على الفيس !!
ولكنه لابس لبس مُهلهل اي كلام , وبيساعد ابوه في أعمال قد لا يجيدها الكثير منا ..
والشئ اللي بيميزه ؛ هي البراءة الغريبة الموجوده في وجهه.. براءة تكاد تكون قد اختفت ممن هم في مثل سنه في زماننا هذا..
فكما عرفت من والده انه في التاسعة من عمره..
أخذت أتلذذ بمداعبته والحديث معه ومع والده ..

واذ بذلك الطفل - ونحن واقفون في الشارع أمام المكتبة - يقول بنبرة حزينة:
أنا خايف يا بابا !!!

تعجب الوالد كثيرا ..وسأله :
ليه يا محمد .. فيه إيه ؟؟؟؟

فرد الطفل وقال :
أنا خايف أحسن ربنا يعمل زلزال في الشارع ده !!

أبوه اتعجب اكتر واكتر وسأله :
ليه بس يا محمد ؟؟؟

فرد الطفل وقال في إستنكار شديد :
انت مش شايف يا بابا البنات دول لابسين لبس عامل ازاي ؟؟
هما مش خايفين ربنا يعذبهم ؟!!!

وقف الجميع في ذهول وصمت امام تلك الكلمات التي نزلت علينا كالصاعقة !

لم أتمالك دموعي بعد سماعي تلك الكلمات من ابن التسع سنين !
والذي أتيقن انه لم يسمع قول الله تعالى :
(وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ)

أتيقن انه مسمعش حديث النبي صلى الله عليه وسلم :
(والذي نفسي بيده لتأمرن بالمعروف ، و لتنهون عن المنكر ، أو ليوشكن الله أن يبعث عليكم عقابا من عنده ، ثم لتدعنه فلا يستجيب لكم)


سبحان الله

إنها فطرة الله التي فطر الناس عليها..!

طفل لم يبلغ بعد سن التكليف خايف على نفسه ..
وكتييييييير مننا قد أمِن مكر الله ،
وشايف المنكر في كل مكان وعادي جدااااااااااااااا!!

لو مش خايف على الناس اللي بتعصي ربنا ورامي طوبتهم ..
لازم تخاف على نفسك ..
لازم نخاف على انفسنا يا جماعة بإننا لاااااااااااااااازم نأمرهم بالمعروف وننهاهم عن المنكر ..

عن أم حبيبة رضي الله عنها قالت :
استيقظ رسول الله صلى الله عليه وسلم من نوم محمراً وجهه وهو يقول:
لا إله إلا الله (يرددها ثلاث مرات)
ويلٌ للعرب من شر قد اقترب ، فتح اليوم من ردم يأجوج ومأجوج مثل هذه وعقد عشرا
قالت أم حبيبة قلت :
يا رسول الله أفنهلك وفينا الصالحون؟؟؟
قال : نعم .. إذا كثر الخبث

وهو ده اللي حاصل دلوقتي يا اخواني ..
فينا ناس صالحين ..اه..
بس الخبث اكتر واكتر ..

لازم نخاف على نفسنا من الهلاك بإننا لاااااااااااااااازم نأمر بالمعروف وننهى عن المنكر ..

انتو مش عارفين لو ربنا نظر لينا نظرة غضب واحنا ساكتين وبنشوفه بيتعصي ليل نهار قدامنا ومحدش بيتكلم ممكن يعمل فينا ايه ..؟؟؟

قال تعالى:
( تَكَادُ السَّمَاوَاتُ يَتَفَطَّرْنَ مِنْهُ وَتَنْشَقُّ الْأَرْضُ وَتَخِرُّ الْجِبَالُ هَدًّا * أَنْ دَعَوْا لِلرَّحْمَنِ وَلَدًا )

كل شئ فى الكون مبيقدرش يشوف ربنا بيتعصى فى كونه..!

ده لو أي حد فينا شاف أمه أو أبوه حد بيزعقلهم او بيشتمهم هيتنرفز ويروح يتخانق مع الشخص ده !

ولله المثل الأعلى ..
كل يوم بنشوف ربنا بيتعصي والناس بتتجرأ عليه ومحدش بيفتح بقه !!
ليه كده ؟؟؟؟؟
لو مش بنحب ربنا .. طب مش خايفين من عقابه ؟؟؟؟؟

شوفوا شوية صور من زلزال اليابان علشان تعرفه عقاب ربنا




الموضوع خطييييييييييير ..

ازاي شايف صاحبك وازاي شايفة صاحبتك بالمنظر السئ ده ومش بتكلمهم..!
ازاي شايف الناس كلها حواليك ضايعه ومش في دماغك اي حاجة !!

لازم نجتهد يا شباب وندعي الناس دي على ارض الواقع..
اه النت وسيلة دعوية خطيييييييرة وفعالة..
بس لازم نكلم الناس دي على ارض الواقع وناخد بايدهم ..

احد الشباب كان بنات خالاته كلهم لبسهم وحش اوووي ..!!
فكر يعمل معاهم ايه ؟؟؟
راح جاب كتب دعوية واشترى لكل واحدة اسدال واداهلهم..
وبفضل الله كلهم غيروا لبسهم ولبسوا الاسدال..

اه دفع من مصروفه وجمع من اصحابه واتكلف كتير..
بس سبحان الله ..
عسى ان ربنا رأى في قلبه الصدق فخلاهم كلهم يلتزموا ويكونوا في ميزان حسناته بإذن الله ..

قال رسول الله صلى الله عليه وسلم:
(والله لأن يهدي الله بك رجلا واحدا خير لك من أن يكون لك حمر النعم)

--------

هحكيلم رؤيا رأيتها أيام ما كنت بعمل كتيب البنات وبس..
واستيقظت قبل صلاة الفجر وانا في شدة الضيق والحزن..
الرؤيا اني كنت ماشي في حد الشوارع ..
وفجأة لقيت بنت متبرجة قاعدة على الرصيف بتنده عليا.. روحتلها وكان في ايدي ساعتها كتاب للبنات وبس..
قالت لي انا عايزة الكتاب ده ...
قلتلها مش هقدر اديهولك .. دي اخر نسخة معايا وعايز احتفظ بيها ..
قعدت تستحلفني اني اديهولها وتشده من ايدي ..وانا مصمم اني مديهوش ليها..
وبعدين بصتلي وقالت:
( حرام عليكوا .. متسيبوناش كده ..حرام عليكوا.. )
وقعدت تبكي..
ثم استيقظت على بكائها..

وده اللي خلاني اسمي الموضوع الخاص بكتاب للبنات وبس
بالاسم ( حرام علكيم انقذوهم من النار )

أحب أقدم ليكم مؤلفات دكتور مصطفى زايد كاملة

كتاب يوميات شاب عادي





كتيب للبنات وبس





كتيب فكِّيها شوية







فكييييييييييها شوية يا بنتي !!! حرام تعملي في نفسك كده !!!




كتيب لأنك غالية







علشان إنتي غالية أوووووووووووووووووووووووووووووي ..



كتيب أحلى حياة




مخنوووووق..قرفااااااان..زهقاااااان ..متضاااااايق .. تعالى وشوف طعم السعادة ..



كتيب جّرب تقرّب






جـــــــرّب تقــــــــرّب ..... تعالى بس وإنت عمرك ما هتندم ..! ‏



كتيب جنة الدنيا






جنــَّــــة الدنيـــــــا ....... تعالوا نعيشها مع بعض ..




كتيب للكبار فقط



عايز تتغير..بس ..مش عايز !! خايف !! مش عارف !! ( للكبار فقط )





كتيب خليك أسد



رسالة لكل شاب تعبااااااااااااااااااااااان جدااااااااااااااا .. بإذن الله فيه حل ..







كتيب حراااان ؟؟ عطشاااان ؟؟




حرااااااااااااااااان ؟؟ عطشاااااااااااان ؟؟ >> ادخل هنا >>




كتيب إصحى يا ناااااايم !!






إصحى يا ناااااااااااااااااايم .. صحي النووووووووووم !!



الواحد مبقاش يطيق يمشي في الشارع من المعاصي اللي بيشوفها ..
وخصوصا لبس البنات والصحوبية والمهازل اللي بنشوفها ..

علشان كده نفسي واحنا داخلين على رمضان كل شاب وكل بنت..
كل واحد في منطقته يقوم بحملة توعية للبنات والشباب ..
سواء بكتيب او باسطوانات او بنصيحة..
اي وسيلة نعملها نبرأ بيها ذمتنا قدام ربنا ونقوله يارب مقدرناش نشوفك بتتعصي رب..

وان شاء الله رمضان موسم طاعة والكل بيدخل المسجد وبيحاول يتقرب لربنا ..
فلازم نستغل الموسم ده ونقرب الشباب والبنات خطوات من ربنا..

في اخر الموضوع ..
لازم افكركم بحديث النبي صلى الله عليه وسلم :
(والذي نفسي بيده لتأمرن بالمعروف ، و لتنهون عن المنكر ، أو ليوشكن الله أن يبعث عليكم عقابا من عنده ، ثم لتدعنه فلا يستجيب لكم)

كل واحد يخاف على نفسه !

ثمن الكتاب الواحد لا يتعد النصف جنيه
اشتريه من أى مكتبة إسلامية
او اتصل
دار النعيم للنشر والتوزويع
ت : 0103418784
ولو طلبت كمية كبيرة هيعملوا ليك تخفيض
متقولش مش هعرف اوزعهم
لو مش هتقدر توزع اشترى واديهم لأصحابك اللى يقدورا يعملوا كدة
اديهم حتى لو لناس مش تعرفها شايف انهم يقدروا يقوموا بتوزيعها
ثمن الكتاب الواحد لا يتعدى ثمن كيس الشيبسى
ممكن تحرم نفسك يوم من كيس الشيبسى بتاعك بنية ان يهدى الله بك رجلا واحد خير لك من حمر النعم ؟؟
منقول عن الدكتور مصطفى زايد
جزاه الله عنا كل خير

فى حفظ الله ورعايته
الرجوع الى أعلى الصفحة اذهب الى الأسفل
 
أنا خايف يا بابا !!!!!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديـــات العــامـه :: الـمـنـتـدي الإســلامــى-
انتقل الى: