الرئيسيةالتسجيلدخول

شاطر | 
 

 الفرق بين الاسكندرانيه والقاهرويه

اذهب الى الأسفل 
كاتب الموضوعرسالة
LettO
 
 
avatar

ذكر العقرب
عدد المساهمات : 219
تاريخ الميلاد : 01/11/1991
تاريخ التسجيل : 05/12/2009
العمر : 27
العمل/الترفيه العمل/الترفيه : صايع

مُساهمةموضوع: الفرق بين الاسكندرانيه والقاهرويه   الأربعاء 02 أكتوبر 2013, 4:39 pm

الموضوع عباره عن شويه فروق بينى كإسكندراني وبين اخواتنا وحبايبنا المصاروه "اللى من القاهره يعنى"



فى القاهره : ايه ده الحاجه دى "جامده اخر حاجه" 

فى اسكندريه : ايوووه الحاجه دى جامده اوى 



فى القاهره : انا مش نمت من امبارح "تحس انك بتكلم طفل"

فى اسكندريه : انا منمتش من امبارح "ناس جد الجد"


فى القاهره : انا هشوف الموضوع ده 

فى اسكندريه : انا حشوف الموضوع ده


فى القاهره : استيكــه "اللغه العربيه واخده حقها شويه معاكم" وقال كمان مساحه "بلدى بلدى يعنى"

فى اسكندريه : جومه عادى خالص جومه 


فى القاهره : صباعى "ياعينى عليك يابنى"

فى اسكندريه : صوبعى اهى مفيهاش مشكله فله شمعه منوره اهى



فى القاهره : الزمالك عمل ايه النهارده الاجابه كيسب

فى اسكندريه : عادى الزمالك كسب ليه نزود حروف وخلاص مش لما نقدر على الكام حرف اللى عندنا نبقى نزود



فى القاهره : جلابيه "كلمه مبالغ فيها"

فى اسكندريه : عبايه "زى الفل"



فى القاهره : يقولك ميكروباص "ثقافتك انجليزى اوى يا عمنا MICRO BUS"

فى اسكندريه : بنقول مشروع "شجع لغه بلدك"


فى القاهره : قال ايه اوطه يااااااااااااااى "دى كلمه من السبيعينات اصلا واتلغت بقالها "100سنه

فى اسكندريه : طماطم "جايه من كلمه توماتوز يا جماعه لازم يكون عندك ثقافه انجليزى برضه"


فى القاهره : خمسين قرش "الرياضه واخده معاكم حقها اوى يا اخواتى"

فى اسكندريه : نص جنيه "اهى يا جدعان فيها ايه زى العسل اهى"


فى القاهره : قال ايه يا اخويا يقولولك لبان " والنبى انا لو دخلت سوبر ماركت اقوله هات لبانه ليكرشنى بره"

فى اسكندريه : مستيكه "شايفين الاسم كله مازيكا"


فى القاهره : (سد الحنك) على رأى عادل امام يا خراااااااااااابى وبيجيلكم نفس تاكلو حاجه اسمها كده

فى اسكندريه : (حلاوه دقيق) شايفين الاسم متدلع ازاى يعنى دى الحلاوه بتاعه الدقيق 


فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات

فى الاسكندريه : جبنه مثلثات عادى ماهى شكلها كده مش بنتفلسف احنا



فى القاهره : (جبنه رومى) دى على اساس انها بنت عم الديك الرومى 

فى اسكندريه : الجبنه مصدرها من تركيا يبقى اسمها جبنه تركى ولا ايه يا جماعه


فى القاهره : قال ايه طعميه ويجى واحد يتفلسف ويكتبلك طع100 ناس فاضيه

فى اسكندريه : فلافل معروفه طول عمرها زى ما فى روميو وجوليت فيه فول وفلافل


فى القاهره : يقولوا ايه فول بالزيت حار "اكيد بيجيبو الزيت ده من العربيات"

فى اسكندريه : فول بالزيت والليمون مش بنحب ننكر حق حد زي ما نقول الزيت نقول الليمون


فى القاهره : يقولك ايه على البمبونى (ارواح) انتم الاطفال عندك طالعين من بيت الرعب ولا ايه عادى دى المفروض حاجه للاطفال يعنى اسمها يبقى لايت بمبونى زى عندنا فى اسكندريه

اللهجة الاسكندرانيه

الأسماء

...(كولة) ويقصد بها ياقة القميص
(منفيستو) ويقصد بها الكتيبات الصغيرة جداً التي يستخدمها التلاميذ، وأصلها إيطالي
(جومة) والمقصود بها الممحاة (الأستيكة) وأصلها إيطالي
(مستيكة) والمقصود بها اللبان أو العلك، وأصلها إيطالي
(كيسة) والمقصود بها الشنطة التي تحمل بها الاطعمة أو المشتريات (مؤنث الكيــس)
(أيٍووووووه) والتي تستخدم للتعجب والدهشة وأصلها غير معروف حتى الآن
(احيه)
وتستخدم ايضا للتعجب
(صحن)
ويسمى بالعامية المصرية (طبق)
(فلافل) وهو (الطعمية)
(أطّات) وهي التسمية السكندرية للسوالف
(مشروع) نوع من أنواع وسائل المواصلات ويسمى أيضا ميكروباص
(شَطّ) شاطئ
(طيّاري) بسرعة
(ع البحر) المقصود بها على الكورنيش
(تاكس )المقصود تاكسى
(يا ولا ) نداء مقصود يا ولد
(شى ) المقصود به مشروب الشاى
(جني) المقصود بها الجنيه المصري
(الإئمة) المقصود بها ناصية الشارع


الأفعال
توضع فتحة في معظم الأفعال الماضية في اللهجة السكندرية

(مِشَى) بمعنى غادر تنطق مِشا
(شَبَط) بمعنى تمسك تنطق شَبط
(بنحبوه) بنحبه
(نحطوه) نضعه في مكان
( نولّع النّور) إنارة النور
(نِعمِلو) سنعمل
(نِاكلو) سنأكل
(نِشربو) سنشرب
(حنروح) سنذهب

فى النهايه احب اقولكم القهراويه دول حبايبى حبايبى بحبهم موت موت موت موت 

وعلى رأى كريم عبد العزيز تغمضليش عين غير لما اطمن عليهم واحد واحد بالمازنجر
 
123 123 123 


الرجوع الى أعلى الصفحة اذهب الى الأسفل
http://alexandriacitizen.ba7r.org
 
الفرق بين الاسكندرانيه والقاهرويه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديـــات العــامـه :: ابداعات اعضاء منتدي أهل اسكندرية-
انتقل الى: